Isroil siyosatchilari jang qilish istagida raqobatlashmoqda

Isroilning o‘ta o‘ng qanot milliy xavfsizlik vaziri Itamar Ben Gvir Hizbulloh bilan sulh tuzilsa, mamlakat hukumatini tark etish bilan tahdid qildi.

«Agar vaqtinchalik otashkesim imzolansa, yahudiy kuchi koalisiyada qatnashmaydi», dedi Ben Gvir o‘zining o‘ta o‘ng partiyasiga ishora qilib. «Agar vaqtinchalik sulh doimiy bo‘lib qolsa, biz hukumatni tark etamiz.»

📣 Payshanba kuni Bosh vazir Benyamin Netanyaxu «Hizbulloh» bilan o‘t ochishni to‘xtatish haqidagi xabarlarni rad etganini va harbiylarga to‘liq kuch bilan jangni davom ettirishni buyurganini aytdi.

❕ G‘arb diplomatlari isroillik siyosatchilarning so‘nggi bayonotlari Isroil va Hizbulloh o‘rtasidagi o‘t ochishni to‘xtatish bo‘yicha muzokaralarni izdan chiqarishi mumkinligidan ogohlantirdi, bu esa keng ko‘lamli urushga olib kelishi mumkin, deb yozadi Isroilning Haaretz gazetasi.