Isroil Rafah shahri hududida quruqlikdagi operasiya boshlanganini e’lon qildi

Isroil mudofaa kuchlari G‘azo sektori janubidagi Rafah shahri hududida quruqlikdagi operasiya boshlanganini e’lon qildi.

"Isroil mudofaa kuchlari G‘azo sektorida bir kun avval boshlangan quruqlikdagi operasiya hududini Misr bilan chegara yaqinidagi Rafah shahrigacha kengaytirdi. Ular bir vaqtning o‘zida G‘azoning shimoliy va markaziy qismida quruqlikdagi operasiyalarni davom ettirmoqda", deya xabar berdi SAXAL matbuot xizmati.

SAHAL shuningdek, G‘azo sektoridagi HAMAS pozisiyalariga aviazarba berganini tasdiqlab, o‘z maqsadini “terrorchilar infratuzilmasini yo‘q qilish” deb atadi.

G‘azo Sog‘liqni saqlash vazirligi ma’lumotlariga ko‘ra, so‘nggi kunlarda Isroil havo hujumlari va janglarda 530 dan ortiq kishi halok bo‘lgan.