Isroil prezidenti Isxak Gersog Turkiya bilan to‘liq diplomatik munosabatlarning tiklanishi Isroil va turk xalqlari o‘rtasidagi do‘stlik bilan birga iqtisodiy aloqalarni mustahkamlashga xizmat qilishini aytdi.
“Turkiya bilan to‘liq diplomatik munosabatlarning tiklanishini olqishlayman – bu Isroil va turk xalqlari o‘rtasidagi iqtisodiy aloqalar, o‘zaro turizm va do‘stlikni mustahkamlaydigan muhim voqea”, — deyiladi Gersog bayonotida.
U Yaqin Sharqda sheriklik ruhi muhimligini qayd etdi.
Avvalroq Turkiya tashqi ishlar vaziri Mevlut Chavusho‘g‘li Turkiya elchi tayinlash va Isroil bilan diplomatik munosabatlarni tiklashga qaror qilganini ma’lum qilgandi.
