Isroil moliya vaziri Besalel Smotrich Isroil chegaralari Livan janubidagi Litani daryosigacha kengaytirilishi kerakligini aytdi.
Besalel Smotrich bu bayonotni Isroil radiosiga bergan intervyusida aytdi.
"Men aniq aytaman: Litani daryosi Isroilning yangi davlat chegarasiga aylanishi kerak", dedi Smotrich.
Uning qo‘shimcha qilishicha, Livandagi harbiy operasiya "tubdan yangi haqiqatni yaratishga olib kelishi kerak - bu Hizbulloh tahdidini yo‘q qilishni ham, Isroil davlat chegaralarini qayta ko‘rib chiqishni ham o‘z ichiga oladi".
Isroil mudofaa kuchlari va Hizbulloh o‘rtasidagi qurolli to‘qnashuv AQSh va Isroil 28 fevral kuni Eronga qarshi qo‘shma operasiya boshlaganidan ko‘p o‘tmay qayta boshlandi. Bunga javoban Eron Isroilga raketalar otdi va Fors ko‘rfazidagi AQSh harbiy bazalariga ham hujum qildi. Mintaqadagi bir nechta davlatlar bunga javoban o‘z havo maydonlarini vaqtincha yopdilar. Shu kuni Eronning oliy rahbari Ali Xomeney zarbalar natijasida halok bo‘ldi.
Eronda 19 yoshli sportchi dorga osib qatl etildi
Eron AQShning F-35ga qanday raketa bilan zarba berganini ko‘rsatdi
Eron Trampning Hormuz bo‘g‘ozini ochish haqidagi ultimatumiga javob berdi
