Isroil Livanni ikkinchi G‘azoga aylantirish bilan tahdid qilmoqda

BMT Inson huquqlari bo‘yicha boshqarmasi Isroil rasmiylarining Livanni G‘azo sektoridagi kabi vayronaga aylantirish bilan bog‘liq bayonotlarini keskin qoraladi. Tashkilotda bunday bayonotlar «mutlaqo qabul qilib bo‘lmaydi» deb ta’kidlandi.

Mamlakatdagi vaziyat tez sur’atlar bilan yomonlashmoqda: yuz minglab odamlar uylarini tark etib, suv va oziq-ovqat yetishmaydigan, odamlar bilan to‘lib ketgan boshpanalarda yashirinmoqda. Zarba ostida turar joy ko‘p qavatli binolari va hatto Bayrut sohilidagi qochqinlar chodirlari ham qolmoqda.

Livan Milliy axborot agentligi ma’lum qilishicha, 2 martdan 17 martgacha bo‘lgan davrda halok bo‘lganlar soni 912 nafarga yetgan, yana 2 221 kishi yaralangan. BMT ma’lumotiga ko‘ra, halok bo‘lganlar orasida kamida 111 nafar bola bor.

Shuningdek, BMT tibbiyot xodimlarining halok bo‘lishiga ham e’tibor qaratmoqda — so‘nggi kunlarda kamida 16 nafar xodim o‘ldirilgan. Tashkilot eslatadi: tinch aholi va tibbiyot xodimlariga qasddan qilingan hujumlar xalqaro huquqqa ko‘ra harbiy jinoyat hisoblanadi.