Isroil armiyasi 19 sentyabr kuni tunda Livan janubiga eng yirik havo hujumini uyushtirdi. Hujum oqibatida “Hizbulloh” guruhining 1000 ga yaqin raketasi yo‘q qilindi. Bu haqda yahudiy davlati armiyasi xabar berdi.
Asosiy nishon “Hizbulloh” harbiy infratuzilmasi bo‘lgan. Oqibatda 100 ta uchirish qurilmasi, shuningdek, Isroil hududiga qarata uchirishga tayyor bo‘lgan 1000 dan ortiq raketa yo‘q qilingan. Isroilning ayrim Telegram kanallari bu so‘nggi bir yil ichida “Hizbulloh” ob’ektlariga qarshi amalga oshirilgan eng yirik hujum bo‘lganini ta’kidlamoqda.
Hujumdan oldin “Hizbulloh” jangchilari Isroil armiyasining chegaradagi 17 ta pozisiyasiga zarba bergan.
“Islomiy qarshilik jangchilari dushman Isroilning Mituldagi tayanch punktiga raketa zarbasini berdi”, deyiladi Livan guruhi bayonotida.
“Hizbulloh” kazarmalar, boshqa tayanch punktlari va Isroil armiyasining to‘planish joylari ham zarba ostida qolgani, natijada Isroil harbiylari orasida halok bo‘lganlar va yaradorlar borligini ma’lum qilgan.
Isroil jiddiy xatoga yo‘l qo‘ydi
Rossiya Kursk shaharlarini qaytarib oldi. Ukrainaning Rossiyaga hujumi barbod bo‘ldimi?
AQSh Ukrainaga tezda Rossiya bilan muzokaralarni boshlashni maslahat berdi
