Isroil havo hujumlarida 10 falastinlik halok bo‘ldi

Isroil harbiy-havo kuchlarining G‘azo sektori markaziga uyushtirgan reydida 10 nafar falastinlik, jumladan, ayollar va bolalar halok bo‘ldi. Bu haqda Anadolu muxbiri guvohlarga tayanib xabar bermoqda.

Nusayrat va Al-Burayj qochqinlar lagerlari o‘qqa tutildi.

Al-Avde kasalxonasi ma’muriyati bayonotiga ko‘ra, Nusayrat qochqinlar lageriga qilingan havo hujumi qurbonlari to‘rt nafarining jasadi tibbiyot muassasasiga yetkazilgan. Hujum chog‘ida ko‘plab qurbonlar ham borligi xabar qilingan.

Isroil harbiy samolyotlari Al-Burayj qochqinlar lagerini o‘qqa tutganida, 6 kishi halok bo‘lgan va ko‘p odamlar yaralangan. Bu haqda G‘azo sektoridagi fuqarolik mudofaasi departamentining Telegram-kanalidagi xabarda aytiladi. Vayronalar o‘rnida qidiruv-qutqaruv ishlari olib borilmoqda.