Isroil harbiy-havo kuchlari Yaman poytaxti Sana shahridagi aeroportni to‘liq vayron qildi

Shuningdek, mamlakatdagi Daxban elektr stansiyasiga hujum uyushtirdi

Bu haqda Isroilning Kan radiostansiyasi xabar bermoqda.

Ma’lum qilinishicha Yaman poytaxtidagi aeroport terminali va barcha yo‘lovchi samolyotlar butunlay yo‘q qilingan. 40 dan ortiq hujumlar qayd etilgan.

Eslatib o‘tamiz, 4 may kuni Yaman husiylari Isroilning Ben Gurion xalqaro aeroportiga ballistik raketa bilan hujum uyushtirgandi. Husiylar, shuningdek, mamlakatga havo blokadasi joriy etish bilan tahdid qilgandi.