Isroil G‘azodagi XAMASning bir nechta qo‘mondonlarini yo‘q qilganini e’lon qildi

Isroil armiyasi yaqinda G‘azoga qilingan hujumlarda bir nechta yuqori martabali XAMAS faollari o‘ldirilgani haqida xabar berdi.

Bu haqda Isroil armiyasi matbuot xizmati ma’lum qildi.

O‘lganlar orasida Al-Qassam brigadasi qo‘mondoni Muhammad Al-Xulidan tashqari, G‘azo markazidagi Falastin Jihodi raketa kuchlari qo‘mondoni Ashraf Muhammad Al-Xatib va Deyr Al-Balahdagi XAMAS batalyonidagi snayper bo‘linmasi qo‘mondoni Said Xolid Al-Rahmon ham bor.

Isroil armiyasi ma’lumotlariga ko‘ra, yana bir hujumda guruh infratuzilmasini tiklash ishlarida ishtirok etayotgan yana ikki XAMAS faoli halok bo‘lgan. Ularning shaxsi oshkor qilinmagan.