Isroil falastinliklarni otishni avtomatlashtirmoqda

Isroil armiyasi bosib olingan G‘arbiy Sohilda nazorat-o‘tkazish punktlariga masofadan boshqariladigan avtomatlashtirilgan qurollarni o‘rnatishni boshladi. Rafael Advanced Defense Systems tomonidan ishlab chiqilgan Rohe-Yore (See-Shoot) tizimi ilg‘or kuzatuv uskunalari va masofadan o‘t ochishni boshqarish mexanizmi bilan jihozlangan.

Ilgari faqat G‘azo sektorida qo‘llanilgan bu tizim endi G‘arbiy Sohilda strategik nuqtalarga o‘rnatilmoqda. Bu qaror xalqaro huquqqa zid bo‘lgan aholi punktlarini himoya qilish maqsadida qabul qilingan.

So‘nggi oylarda G‘arbiy Sohilda zo‘ravonlik holatlari keskin oshdi. Falastinlik shifokorlar ma’lumotlariga ko‘ra, Isroil harbiylari tomonidan 800 dan ortiq falastinlik halok bo‘lgan va 6500 dan ziyod kishi yaralangan. Xalqaro huquqga ko‘ra, bosib olingan hududlardagi aholi punktlari qurilishi noqonuniy hisoblanadi.