Isroil Eron qo‘mondonlarini o‘ldirishiga WhatsApp yordam berdimi?

Isroil harbiylari ba’zi Eron harbiy qo‘mondonlari va yadroviy olimlarning harakatlarini xavfsizlik xodimlarining mobil telefonlari yordamida kuzatib, ularni yo‘q qilishga muvaffaq bo‘ldi.

Bu haqda The New York Times (NYT) manbalarga tayanib xabar berdi.

Ularga ko‘ra, Eron razvedka apparati Isroil Tehrondagi Islom Respublikasining yuqori martabali amaldorlari, jumladan prezident Masud Pezeshkian istiqomat qilayotgan bunkerga bomba tashlaganidan so‘ng "jiddiy xavfsizlik kamchiligi"ni aniqlagan. Isroil uchrashuv joyini "ehtiyotsiz foydalanish" tufayli ularga hamrohlik qilayotgan tansoqchilarning telefonlarini buzib, ijtimoiy tarmoqlarga xabarlar joylash orqali aniqladi.

Gazetaning yozishicha, Eron oliy rahnamosi Oyatulloh Ali Xomanaiy keyinchalik keng ko‘lamli xavfsizlik choralarini ko‘rish, tansoqchilar sonini oshirish, Meta korporasiyasiga tegishli bo‘lgan mobil telefonlar va messenjerlardan, jumladan WhatsAppdan foydalanishni taqiqlashni buyurgan. Qayd etilishicha, respublika rasmiylari Isroil harbiy qo‘mondonlar va olimlarning harakatini shu tarzda kuzatayotganidan "ko‘pdan buyon gumon qilib kelgan" va endi soqchilar o‘zlari bilan faqat radiostansiyalarni olib yurishlari mumkin.

Shuningdek, Isroil rasmiylari eronlik yadroviy olimlar ustidan kuzatuv 2022 yil oxiridan boshlab olib borilayotgani va ularni o‘ldirish ehtimoli 2024 yil oktyabrida ko‘rib chiqila boshlagani haqida xabar berdi. Biroq Tel-Aviv AQShning sobiq prezidenti Jo Bayden bilan "to‘qnashmaslik" uchun operasiyadan o‘zini tiydi. Shu bilan birga, Isroil, NYT ma’lumotlariga ko‘ra, "Eron yadroviy loyihasida ishtirok etgan" o‘ziga ma’lum bo‘lgan barcha olimlarning ma’lumotlarini o‘rganib, ulardan qaysi birini "o‘ldirishni tavsiya etishni" hal qilardi.