Isroil Bosh shtabi Eronni yangi hujum qilsa, javob zarbasi berilishi haqida ogohlantirdi

Isroil, Erondan yangi hujum sodir bo‘lgan taqdirda, ilgari foydalanmagan imkoniyatlardan foydalanib, yangi nishonlarga zarba beradi.

Bu haqda Isroil mudofaa kuchlari bosh shtabi boshlig‘i Gerzi Halevi ma’lum qildi.

"Agar Eron xatoga yo‘l qo‘yib, Isroilga yana raketa hujumini uyushtirsa, biz yana Eronga qanday yetib borishni bilib olamiz va o‘tgan safar qo‘llamagan imkoniyatlarimizdan foydalanib, ularning imkoniyatlariga ham, biz nishonga olgan nishonlarga ham kuchli zarba beramiz. Hozircha uni to‘xtatib qo‘ydim" - dedi u Ramon havo kuchlari bazasiga tashrifi chog‘ida.

Halevining ta’kidlashicha, Isroil harbiylari Erondagi bir qator nishonlarga zarba berishni juda oddiy sababga ko‘ra qoldirgan, ya’ni bu "ular buni yana qilishlari (yangi hujumga javob berish - tahr.) bo‘lishi mumkin".

"Bu voqea hali tugamagan, biz hali ham uning o‘rtasidamiz", deya qo‘shimcha qildi u.

Bosh shtab boshlig‘i aviabazada harbiy xizmatchilarga murojaat qilar ekan, Isroil armiyasi barcha jabhalarda yuqori shaylikda ekanini ta’kidladi.

"Biz Livanda, G‘azoda harakat qilamiz, G‘arbiy Sohilda va boshqa uzoq maydonlarda terrorizmga qarshi kurashamiz", dedi u.