Isroil Bayrutga hujumidan so‘ng Livanga yana zarba berish bilan tahdid qildi

Isroil Bosh vaziri Benyamin Netanyaxu o‘t ochishni to‘xtatishga qaramay, Livanga hujumlarni davom ettirish bilan tahdid qildi.

Netanyaxu Bayrutdagi zarbani izohlar ekan, Isroil “Hizbullox”ga harbiy salohiyatini qayta tiklashga ruxsat berish niyati yo‘qligini ta’kidladi. U shuningdek, hujumda Hizbulloxning harbiy qanot qo‘mondoni Haysam Ali Tabatobai halok bo‘lganini qayd etdi va Livan hukumati Hizbulloxni qurolsizlantirish bo‘yicha majburiyatini bajarmayotganlikda aybladi.