Isroil armiyasi 65 kundan beri ishg‘ol ostidagi G‘arbiy Sohildagi Tulkerim shahri va xuddi shu nomdagi qochqinlar lageriga hujumlarini davom ettirmoqda.
Falastinning rasmiy axborot agentligi WAFA ma’lumotlariga ko‘ra, Isroil harbiylari tinch aholini uylaridan bostirib, hibsga olish va majburan quvib chiqarish hamda mulklarini yo‘q qilishda davom etmoqda. Shaharga qo‘shimcha kuchlar o‘tkazilmoqda.
Lager deyarli butunlay evakuasiya qilingan. Bundan tashqari, Haday va Rabay mahallalari ham majburan evakuasiya qilingan.
Xabar qilinishicha, ishg‘ol kuchlari qochqinlar lageri infratuzilmasini butunlay vayron qilgan.
Isroil askarlari 52 kundan beri hujum ostida qolgan Nur Shams qochqinlar lageriga ham hujum qilmoqda.
19 yanvar kuni G‘azoda o‘t ochishni to‘xtatish kelishuvi kuchga kirganidan ikki kun o‘tib, Isroil armiyasi ishg‘ol ostidagi G‘arbiy Sohil shimolidagi qochqinlar lagerlariga "Temir devor operasiyasi" deb nomlangan hujum boshladi. 21 yanvardan beri davom etayotgan hujumlarda o‘nlab falastinliklar halok bo‘ldi, yuzlab odamlar hibsga olindi.
Quvayt endi Eronga oshkora va’da berdi
Chernobil hayvonlarida kutilmagan superqobiliyatlar aniqlandi
Rossiyaning urush mashinasi tezlashmoqda
