Isroil AQSh iltimosiga binoan XAMAsga qurolsizlanish uchun 60 kun vaqt beradi

Isroil XAMASga qurolsizlanish uchun 60 kunlik muddat beradi, aks holda Isroil G‘azo sektorida harbiy operasiyalarni qayta boshlaydi.

Bu haqda Isroil Vazirlar Mahkamasi kotibi Yosi Fuks Quddusdagi konferensiyada so‘zlagan nutqida ma’lum qildi.

Uning ta’kidlashicha, AQSh ma’muriyati ushbu muddatni so‘ragan va Isroil "bu iltimosni hurmat qiladi". Hamas ushbu muddat ichida barcha qurollarni, jumladan, kichik qurollarni, xususan, AK-47 avtomatlarini topshirishi kerak.

Fuksning ta’kidlashicha, 60 kunlik muddatning aniq boshlanish sanasi hali aniqlanmagan, ammo bu muddat payshanba kuni, G‘azo Tinchlik Kengashining birinchi yig‘ilishi bo‘lib o‘tadigan kuni boshlanishi mumkin. "Bu muddatdan so‘ng Isroil vaziyatni baholaydi: agar qurollar topshirilmasa, Isroil G‘azodagi missiyasini tugatishga majbur bo‘ladi", dedi u.