Xalqaro reyting agentligi Fitch Ratings Isroilning xorijiy valyutadagi uzoq muddatli defolt reytingini A+ dan A ga tushirdi. Reytingning pasayishi «G‘azodagi urushning davom etishi, ortib borayotgan geosiyosiy xavflar va ko‘plab jabhalarda harbiy amaliyotlar ta’sirini» aks ettirgani aytiladi.
«Inson xarajatlaridan tashqari, bu [G‘azo urushi] sezilarli qo‘shimcha harbiy xarajatlarga, infratuzilmaning vayron bo‘lishiga va iqtisodiy faoliyat va investisiyalar uchun uzoq davom etadigan zararga olib kelishi mumkin, bu esa Isroilning kredit profilining yanada yomonlashishiga olib kelishi mumkin», deyiladi Fitch Ratings hisobotida.
Isroil iqtisodiyoti uchun prognoz ham salbiy bo‘lib qolmoqda. Isroilning budjet taqchilligi 2023 yildagi yalpi ichki mahsulotning 4,1 foizidan 2024 yil oxiriga kelib 7,8 foizga oshadi.
«Davlat moliyasi zarar ko‘rdi va biz 2024 yilda yalpi ichki mahsulotning 7,8 foizini tashkil etadigan budjet taqchilligini prognoz qilmoqdamiz, qarz esa o‘rta muddatli istiqbolda YAIMning 70 foizidan yuqori bo‘ladi. Bundan tashqari, Jahon bankining boshqaruv ko‘rsatkichlari yomonlashishi mumkin, bu esa Isroilning kredit qobiliyatiga ta’sir qiladi», — deyiladi agentlik bayonotida.
Fitch prognozlariga ko‘ra, qarzning YAIMga nisbati 2025 yilda 72 foizga ko‘tariladi, bu 2020 yilda koronavirus pandemiyasi davrida qayd etilgan 71 foizdan yuqori.
Fitch Ratings Isroilning G‘azo sektoriga hujumlari boshlanganidan beri Isroilning kredit reytingini pasaytirgan uchta reyting agentligining oxirgisi hisoblanadi. Shunday qilib, Moody’s mamlakatning kredit reytingini A1 dan A2 ga, Standard & Poor's esa AA- dan A+ ga tushirdi.
Dushanbadan dollar qanchaga yetishi e’lon qilindi
RF uchun yana bir “bosh og‘riq” paydo bo‘ldi
Daniya AQSh tajovuzi bo‘lsa, Rossiyaga murojaat qilishni taklif qildi
