Ish vaqtida vafot etgan «elektroset» xodimi uchun 340 mln so‘m uning oilasiga to‘liq undirib berildi

Toshkent viloyatida vafot etgan xodim uchun to‘lanmayotgan 340 mln so‘m to‘liq undirib berildi. Bu haqda Kambag‘allikni qisqartirish va bandlik vazirligi axborot xizmati xabar berdi.

Ma’lum qilinishicha, «Hududiy elektr tarmoqlari» AJ Bekobod shahar elektr tarmoqlari korxonasi xodimi Bunyod Mirboboyev 2023 yil 12 mart kuni elektr uskunalarida ishlab chiqarishdagi baxtsiz hodisa tufayli vafot etgan.

Korxona uning oila a’zolariga to‘lanishi lozim bo‘lgan 340 million so‘m miqdoridagi zarar pullarini 1 yildan ortiq vaqt davomida to‘lamay kelgan. Davlat mehnat inspeksiyasi aralashuvi bilan ushbu summa marhumning oila a’zolariga korxonadan to‘liq undirib berildi.