Payshanba kuni Indoneziyaning Jayapura shahri yaqinida yuz bergan zilzila oqibatida kamida to‘rt kishi halok bo‘ldi. Bu haqda payshanba kuni Indoneziya tabiiy ofatlarga qarshi kurash milliy agentligi ma’lum qildi.
"Favqulodda vaziyatlarni boshqarish milliy agentligining Operativ boshqaruv markazi ma’lumotlariga ko‘ra, payshanba (9 fevral) kuni soat 15:00 holatiga ko‘ra, hodisa oqibatida kamida to‘rt kishi halok bo‘lgan”, — deyiladi xabarda.
Jayapura mintaqaviy tabiiy ofatlarni boshqarish agentligiga ko‘ra, zilzila do‘kon, shifoxona binolari va masjidni vayron qilgan.
Rasmiylar aholiga ehtimoliy yerosti silkinishlari munosabati bilan ehtiyot choralarini ko‘rishni tavsiya qildi.
Avvalroq Yevropa-O‘rtayer dengizi seysmologiya markazi Indoneziyada 5,5 magnitudali zilzila sodir bo‘lganligi haqida xabar bergan edi. Unga ko‘ra, zilzila episentri 134 mingga yaqin aholi istiqomat qiladigan Jayapura shahridan 3 km janubi-g‘arbda joylashgan. Manba 10 km chuqurlikda joylashgan.
