Pokiston Saylov Komissiyasi korrupsiya ishi bo‘yicha aybdor deb topilib, hibsga olingan sobiq Bosh vazir Imron Xonni 5 yilga siyosatdan chetlashtirishga qaror qildi. Bu haqda TRT xabar berdi.
Saylov komissiyasi tomonidan berilgan bayonotga ko‘ra, Imron Xonning sud tomonidan korrupsiyada aybdor deb topilgan, tegishli qonunlar doirasida uning 5 yil davomida siyosatdan man etilishiga qaror qilingan.
Islomobod Oliy sudi Imron Xonni 490 ming dollarlik sovg‘alarni sotishda va bosh vazir bo‘lgan vaqtida o‘z lavozimidan noto‘g‘ri foydalanganlikda aybdor deb topdi va 3 yillik qamoq jazosiga hukm qildi.
Pokiston polisiyasi Xonni 5 avgust kuni sud qarori bilan Lahordagi uyida hibsga olgandi.
Pokiston parlamentida 2022-yil 10-aprelda o‘tkazilgan ishonchsizlik votumida 174 nafar “yo‘q” ovozini olgan Imron Xon hukumati qulagandi.
Mamlakatda uch muddat bosh vazirlik qilgan Navoz Sharifning ukasi Shahboz Sharif 2022-yil 11-aprelda bo‘lib o‘tgan ovoz berishda mutlaq ko‘pchilikning qo‘llab-quvvatlashi bilan 174 ovoz bilan bosh vazir etib saylangandi.
