Birlashgan Millatlar Tashkilotining UNICEF agentligining ma’lum qilishicha, G‘azo sektori shimolidagi Jabaliya shahrida juma va shanba kunlari orasida 50 dan ortiq bola halok bo‘lgan.
UNICEF ijrochi direktori Ketrin Rassel shanba kuni «zarbalar yuzlab odamlar boshpana topgan ikkita turar-joy binosini vayron qilganda halok bo‘lgan» dedi.
U shuningdek, shanba kuni G‘azo sektorida poliomiyelitga qarshi emlash kampaniyasi xodimlariga ikki marta hujum qilinganini eslatib o‘tdi: bir holatda UNICEF xodimlarining mashinasi o‘qqa tutilgan, biroq hech kim jabrlanmagan; ikkinchisida esa kamida uchta bola esklav shimolidagi Shayx Radvandagi emlash klinikasi yonida yaralangani xabar qilingan.
Rassel hujumlarni «G‘azo sektoridagi tinch aholini beg‘araz nishonga olish dahshatli oqibatlarining yana bir misoli» deb atadi.
