Husiylar tinchlikka erishish uchun AQSh bilan muzokara olib borishga tayyor

Yamanning "Ansor Alloh" harakatidan hutiylar, agar Vashington o‘z niyatini bildirsa, tinchlikka erishish uchun AQSh ma’muriyati bilan muzokaralar boshlashga tayyor.

Bu haqda isyonchilarning nomi oshkor etilmagan vakili Qatarning Al Araby telekanaliga ma’lum qilgan.

Harakat yetakchilaridan biri telekanalga bergan intervyusida "Amerika tajovuzkorligi asossiz hujum va suverenitetimizni buzishdir", dedi va agar kelishuvga jiddiy urinish bo‘lsa, isyonchilar tinchlikka tayyor ekanini qo‘shimcha qildi.

"Muzokaralar uchun kanallar ochiq bo‘lishi mumkin, biz doimo muloqotni saqlab kelganmiz", — deya qo‘shimcha qildi manba.

"Ansor Alloh" vakili tajovuz Vashingtonga o‘z maqsadlariga erishishga imkon bermasligini ta’kidladi: "AQSh harakatlariga bizning javobimiz qattiq va to‘xtatuvchi bo‘ladi".

Avvalroq harakatning rasmiy vakili Muhammad Abdel Salom AQShning Yaman hududiga bergan zarbalari "Ansor Alloh" isyonchi harakatidan husiylarning Qizil dengiz va Adan ko‘rfazidagi Isroil kemalariga hujum qilish niyatiga ta’sir qilmasligini ma’lum qilgandi.

"AQSh prezidentining Bob al-Mandeb bo‘g‘ozidagi xalqaro yuk tashish tahdidi haqidagi bayonotlari yolg‘on va xalqaro hamjamiyatni chalg‘itmoqda. Yaman tomonidan G‘azoni qo‘llab-quvvatlash maqsadida e’lon qilingan dengiz blokadasi faqat Isroil kemalariga taalluqlidir. Bu G‘azo aholisiga insonparvarlik yordami yetkazilmaguncha davom etadi", - dedi manba.