Hurmuz bo‘g‘ozida Ummonning Xasab shahri sohillaridan 9 dengiz mili shimolda kema bilan bog‘liq hodisa yuz berdi. Kema kapitani yong‘in chiqqanini ma’lum qilgan. Bu haqda Britaniya dengiz savdo operasiyalari tashkiloti (UKMTO) xabar berdi.
«Tasnim» agentligi ma’lumotiga ko‘ra, hozircha kema ekipajining ahvoli, yetkazilgan zarar miqdori va hodisaning atrof-muhitga ta’siri haqida rasmiy ma’lumot berilmagan.
Hodisaning sabablari va yong‘inni bartaraf etish bo‘yicha ko‘rilayotgan choralar haqida ham hozircha qo‘shimcha tafsilotlar yo‘q.