25 noyabr kuni "Humo Arena"da mashhur artist Jah Khalib'ning uzoq kutilgan konsert dasturi bo‘lib o‘tdi.
Tomoshabinlarning fan zonasiga kirishini nazorat qilish chog‘ida konsertga soxta chiptalarni iticket.uz rasmiy platformasi orqali emas, balki boshqa saytlardan xarid qilgan ko‘plab odamlar tomonidan qo‘zg‘atilgan nazoratsiz navbat paydo bo‘ldi. Spekulyatorlar va vositachilar tomonidan sotilgan yuzlab qalbaki chiptalar aniqlandi. Shunday qilib, atigi bitta QR kod yordamida tadbirga kirishga 115 ta urinish qilingan.
Dasturiy nazorat tizimi tufayli qalbaki chipta sotib olgan shaxslar tadbirga kira olmadilar. Biroq, ular yaratgan tartibsizliklar natijasida qo‘lida haqiqiy chipta bo‘lgan odamlar konsertga kira olmadilar.
Ayni paytda qalbaki chiptalar va ularni sotib olgan shaxslarga oid to‘liq ma’lumotlar har bir fakt uchun aybdor shaxslarni aniqlash va javobgarlikka tortish uchun Markaziy IIBga topshirildi.
Ta’kidlash joizki, ITICKET o‘z faoliyati davomida yuzlab yirik mahalliy va xalqaro madaniy va sport tadbirlarida ishtirok etib, O‘zbekistonda madaniyat va sport rivojiga o‘z hissasini qo‘shdi. O‘z tajribamizdan foydalanib, huquqni muhofaza qiluvchi organlarga aybdorlarni javobgarlikka tortish uchun barcha imkoniyatlarimizni ishga solamiz.
Biz bo‘lgan voqea uchun afsusdamiz va tadbir tashkilotchisi nomidan shuni ta’kidlab o‘tamizki, Jah Khalib konsertiga rasmiy manbadan yoki iticket.uz kassasidan chipta sotib olgan va tadbirda qatnasha olmagan har bir mijozga pul qaytarib beriladi.
Eslatib o‘tamiz, ITICKET konsertlar tashkilotchisi emas, kompaniya faqat chiptalarning haqiqiyligi va xaridorlarning mablag‘lari uchun javobgardir.
Chiptalarni faqat veb-sayt yoki iticket.uz kassasidan yoki tadbir tashkilotchilaridan xarid qilishingizni so‘raymiz. Chiptalarni qayta sotish yoki boshqa har qanday shaklda sotish qonunan taqiqlanadi.
Hurmat bilan,
ITICKET kompaniyasi
