Rossiya to‘g‘ridan-to‘g‘ri investisiyalar jamg‘armasi koronavirusga qarshi “Sputnik V” vaksinasining 100 million dozasini Hindiston farmasevtika kompaniyasiga yetkazib berishga kelishib oldi.
Bu haqda "RIA Novosti"ga tayanib "sputniknews-uz.com" xabar qilmoqda.
Gap yetakchi hind farmasevtika firmalaridan biri Dr. Reddy's Laboratories Ltd (Dr. Reddy's) haqida bormoqda.
“Etkazib berish 2020 yil oxirida klinik tadqiqotlar natijalari va vaksina Hindistonda ro‘yxatga olinganidan so‘ng boshlanishi mumkin”, - deyilgan xabarda.
Rossiyaning Gamaleya instituti tomonidan yaratilgan koronavirusga qarshi vaksina dunyoda birinchi bo‘lib 11 avgust kuni ro‘yxatga olindi va u “Sputnik V” deb nomlandi. 8 sentyabr kuni u keng muomalaga chiqarildi. 9 sentryabr kuni esa u bilan Moskvada ko‘ngillilarni koronavirusga qarshi emlash boshlandi.
