Hindiston Fransiyadan qiruvchi samolyotlarini xarid qilmoqchi

Hindiston Fransiyadan $35,87 mlrd qiymatidagi 114 ta Rafale qiruvchi samolyotlarini xarid qiladi, deb xabar bermoqda Reuters.

Hindiston bosqichma-bosqich MiG-21 samolyotlarini foydalanishdan chiqarmoqda, shuningdek MiG-29'ning ilk versiyalari, Jaguar va Mirage 2000 samolyotlarini ham hisobdan chiqarishga tayyorgarlik ko‘rmoqda, deya xabar bermoqda agentlik.

Fransiya prezidenti Emmanuel Makronning Hindistonga bo‘lajak tashrifidan so‘ng tomonlar shartnomaning tijoriy va texnik tafsilotlarini muhokama qilish bosqichiga o‘tishi kutilmoqda.