Hindiston tashqi ishlar vaziri Subramanyam Jayshankar Afg‘oniston vaziri Amir Xon Muttaqiy bilan uchrashuvda mamlakat Kobulda elchixonasini qayta ochishini ma’lum qildi. Bu haqda ma’lumot Hindiston TIV rasmiy saytida e’lon qilingan.
"Bugun Kobuldagi texnik missiya maqomi Hindiston elchixonasi darajasiga ko‘tarilganini e’lon qilishdan mamnunman," - dedi Jayshankar.
U Dehli Afg‘oniston suvereniteti va hududiy yaxlitligini to‘liq qo‘llab-quvvatlashiga ishontirdi. Uning qo‘shimcha qilishicha, mamlakatlar o‘rtasidagi yaqin hamkorlik Afg‘onistonning rivojlanishiga ham, mintaqaviy barqarorlikka ham hissa qo‘shadi
May oyida Pokiston Afg‘oniston bilan munosabatlar darajasini oshirish va Kobulga elchi tayinlashga qaror qildi. Bungacha Kobulga Xitoy, BAA va O‘zbekiston elchilari tayinlangandi.
