"Hech kim Netanyaxuni to‘xtata olmayotganga o‘xshaydi"

Isroil G‘azo sektorida bosqinchilik va qirg‘inbarot urushini boshlaganiga 358 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Rafahdagi turar-joy binolari va Nuseyrat lageriga hujum qildi. Urush boshlanganidan buyon 41534 kishi shahid bo‘ldi.

▪️Tun bo‘yi ishg‘olchilar Livanga misli ko‘rilmagan hujumlar uyushtirdi. Faqatgina tongning o‘zida Bayrut chekkasiga 30 ta hujum uyushtirildi. O‘nlab binolar vayron bo‘ldi, shahidlar soni noma’lum.

▪️Nasistlarning Livanning aholi zich joylashgan Dahiya tumaniga bergan zarbalari butun boshli mavzeni yer yuzidan yo‘q qildi.

▪️Bosqinchilar va Amerika matbuotiga ko‘ra, Hizbulloh bosh kotibi Hasan Nasrulloh Bayrutga qilingan hujumda halok bo‘lgan. Eronning Tasnim agentligi bosh kotib bilan hammasi yaxshi ekanini xabar qildi.

▪️Hizbulloh Hayfa, Safad, Nosira, Jalila va Akrga yirik raketa zarbalarini berdi. Ko‘chmanchilar orasida yaradorlar bor.

▪️Evropa Ittifoqi rahbari: Biz faqat AQShga tayana olmaymiz. Hech kim Netanyaxuni to‘xtata olmayotganga o‘xshaydi.

▪️Harbiy ekspert Fayaz Duayri: «Hizbulloh»ning Bayrutdagi shtab-kvartirasiga qilingan hujumlar partiya ichida halokatli xavfsizlik bo‘shlig‘i mavjudligini tasdiqlaydi.