Dastlabki tergov natijalari Tehronda raketa zarbasi natijasida o‘ldirilgan Hamas siyosiy byurosi rahbari Ismoil Haniyaning suiqasdida Isroil javobgarligini ko‘rsatmoqda, deb xabar beradi Eronning Fars agentligi.
Xabarga ko‘ra, Haniya Eron poytaxtining Zafaroniy mahallasida joylashgan o‘z qarorgohining to‘rtinchi qavatida bo‘lgan, bino raketa bilan urilgan va natijada tom qisman qulagan.
«Ushbu harbiy harakat Isroil rejimi tomonidan amalga oshirilgan», — deya xabar beradi Fars.
Payshanba kuni The New York Times gazetasi anonim manbalarga tayanib xabar berishicha, Haniya taxminan ikki oy oldin o‘z qarorgohiga o‘rnatilgan portlovchi qurilma tomonidan o‘ldirilgan bo‘lishi mumkin. Gazetaning manbalariga ko‘ra, bomba masofadan turib ishga tushirilgan.
