HAMAS: Radikal guruhlar G‘azo bo‘yicha kelishuvga erishishga tayyor

Falastinning radikal guruhlari G‘azo sektorida sulh bitimiga erishish tarafdori ekanini tasdiqlaydi.

Bu haqda HAMAS siyosiy byurosi rahbari Ismoil Haniya ma’lum qildi.

Haniya o‘t ochishni to‘xtatish kelishuvi to‘rtta asosiy nuqtani o‘z ichiga olishi kerakligini ta’kidladi.

«Doimiy sulh o‘rnatish, Isroil qo‘shinlarini G‘azodan olib chiqib ketish, anklav infratuzilmasini qayta tiklash va asirlarni almashish», - deya talablarni sanab o‘tdi HAMAS rahbari.