Gvardiola «Manchester Siti»da yana bir yilga qoladigan bo‘ldi

Pep Gvardiola «Manchester Siti» klubi bilan tez orada «1+1» ko‘rinishidagi yangi shartnomani imzolaydi.

Insayder Fabrisio Romano xabariga ko‘ra, Manchester klubi Pep Gvardiola bilan yangi shartnomani imzolash bo‘yicha kelishuvga erishgan. Ispaniyalik murabbiy joriy mavsum yakuniga yetgach, yana bir mavsum jamoada qolishga qaror qilgan. Bu haqda tez orada rasman e’lon qilinishi kutilmoqda.

Gvardiolaning amaldagi kelishuvi 2025 yilning 30 iyuniga qadar imzolangandi. U «Manchester Siti»ni 2016 yildan buyon boshqarib kelmoqda. Jamoa uning qo‘l ostida 18ta sovringa ega chiqqan.