Gvardiola Husanovni qaysi pozisiyalarda o‘ynashini aytdi

"Manchester Siti" bosh murabbiyi Xosep Gvardiola jamoaga yangi kelgan Abduqodir Husanov qaysi pozisiyalarda o‘ynay olishi mumkinligini aytdi.

O‘zbekiston terma jamoasi futbolchisi hafta boshida "Lans"dan "shaharliklar" safiga qo‘shildi. Transfer narxi 40 million yevroga baholanmoqda.

"Husanov o‘ng markaziy himoyachi, o‘ng qanot himoyachi, shuningdek, o‘ng markaziy uchlikda va markazda ham o‘ynay oladi. U turli pozisiyalarda o‘ynashga qodir", - deya Gvardiolaning so‘zlarini keltiradi City Report.