Gruziya poytaxtida Yevroittifoq tarafdorlari norozilik namoyishlari boshlanganining bir yilligida hukumatga qarshi yurishlar o‘tkazildi

Evropa va Gruziya bayroqlarini ko‘targan namoyishchilar bir yildan beri davom etayotgan noroziliklarining markazi bo‘lgan Tbilisidagi parlament binosi oldida to‘planishdi, deya xabar bermoqda nashr.

Aksiyada minglab insonlar, jumladan muxolifat vakillari hamda hibsga olingan namoyishchilarning yaqinlari ham ishtirok etishdi.

Bir yil avval, muxolifat natijalarini tan olmagan parlament saylovlaridan ko‘p o‘tmay, Gruziya bosh vaziri Irakliy Kobaxidze mamlakatning Yevropa Ittifoqiga a’zo bo‘lishi bo‘yicha muzokaralar 2028 yil oxirigacha kun tartibidan olib tashlanganini e’lon qilgan edi. O‘sha kechaning o‘zida butun Gruziya bo‘ylab norozilik namoyishlari boshlandi va ular hozirgacha davom etmoqda.