2024-yil oktyabr oyida Gruziyada bo‘lib o‘tgan noqonuniy parlament saylovlari hukmron “Gruziya orzusi” partiyasiga davlat institutlarini egallab olish, repressiv qonunlar joriy etish va siyosiy raqiblar, jurnalistlar va tinch namoyishchilarni shafqasizlarcha ta’qib qilish imkoniyatini berdi, deyiladi Yevropa parlamenti hisoboti loyihasida .
Evroparlament deputatlari yana bir bor Gruziya hukumatini mustaqil kuzatuvchilar ishtirokida yangi saylovlar o‘tkazishga chaqirdi va Yevropa Ittifoqi davlatlariga “Gruziya orzusi”ning asosiy amaldorlari va mamlakatdagi siyosiy repressiyalar uchun javobgar bo‘lgan barcha shaxslarga nisbatan shaxsiy sanksiyalar qo‘llashni tavsiya qildi.
“Mamlakatda davom etayotgan demokratik orqaga qaytishni hisobga olgan holda, Yevropa parlamenti ham Yevropa Ittifoqining Gruziyaga nisbatan siyosatini zudlik bilan va keng qamrovli tekshirishni (…) va Gruziya-Evropa Ittifoqi assosiasiyasi kelishuvi ijrosini qayta ko‘rib chiqishni talab qiladi”, deyiladi hisobot loyihasida.
Litvaning Yevroparlament deputati Rasa Juknevichiyene so‘zlariga ko‘ra, Gruziyadagi hozirgi vaziyat “bir o‘q otilmay turib, qanday qilib mamlakatni Rossiya manfaatlari tomonidan ichkaridan tortib olish mumkinligi”ning namunasiga aylandi. Shu bilan birga, siyosatchi “gruzin xalqi shafqasiz qatag‘onlarga qaramay, taslim bo‘lmayotgani va 200 kundan beri norozilik namoyishini o‘tkazayotganini” ta’kidladi. "Evropa Ittifoqi va unga a’zo davlatlar kech bo‘lmay turib, qat’iy choralar ko‘rishi kerak. Erkin va Yevropaparast kelajak uchun kurashayotgan jasur gruzinlardan qarzdormiz", - dedi Juknevichiyene.
Dahshat! Vafot etgan 88 yoshli ayol tobutda hushiga keldi
Hindiston cho‘kib ketmoqda - yarim milliondan ortiq qurbonlar
"New York Times": "O‘zbekiston bunday tarixiy natijani qo‘lga kiritgan uchinchi mamlakat bo‘ldi"
