Gresiyada 80 yoshli qariya maktab o‘quvchisiga aylandi

Gresiyalik qariya Vasillis Panayotaropulos chala qolgan o‘qishini tugatish uchun kechki maktabga bordi. Bu haqda The Guardian xabar berdi.

Erkak 12 yoshida otasiga dalada ishlashga yordam berish uchun maktabni tark etgan. Keyinchalik u Afinaga ko‘chib o‘tdi va u erda oshpaz bo‘lib ishladi va o‘z tavernasiga egalik qildi.

Uning so‘zlariga ko‘ra, u maktabni juda sog‘ingan, yillar davomida “bir kun maktabga qaytish” haqida o‘ylagan. Keyin Vasillis xotiniga o‘qishni davom ettirish niyatida ekanligini aytgan.

U bilan birga sinfda 15 yoshli bolalar ham bor.

O‘qituvchilarning so‘zlariga ko‘ra, bu odam sinfdoshlariga yaxshi ta’sir qiladi va u juda mehnatkash o‘quvchi. Uning sevimli fanlari qadimgi yunon tili va matematikadir. Iyun oyida Vasillis maktabning to‘liq huquqli bitiruvchisi bo‘ladi.

Ushbu voqeadan ilhomlangan Gresiya hukumati kechki maktablarni qo‘llab-quvvatlashga e’tibor qaratishini aytdi.