Germaniyada Rojdestvo bayrami oldidan shokolad narxi rekord darajada qimmatladi

Germaniyada inflyasiya pasayganiga qaramay, mamlakatda shokoladli shirinliklar narxi tez sur’atlar bilan oshib bormoqda, deb yozadi Bild.

Tadqiqotga ko‘ra, sabab asosiy ishlab chiqaruvchi mamlakatlarda kakao hosili bilan bog‘liq muammolarda bo‘lgan. Qurg‘oqchilik, kuchli yomg‘ir va o‘simlik kasalliklari ishlab chiqarishning pasayishiga va xom ashyo narxining oshishiga olib keldi.

Mashhur shokolad haykalchalari va taqvimlarining narxi sezilarli darajada oshdi. Misol uchun, Rausch shokoladi Santa 38 foizga qimmatlashdi - hozir uning narxi 9,50 yevro.

Kinder Schokolade mahsulotlari ham qimmatlashdi - 55 gramm shokolad uchun mijozlar 1,69 yevro to‘laydi, bu o‘tgan yilgi narxlardan 20 foizdan ortiqroqdir.
Narxlarning oshishi rekord darajadagi kakao narxi bilan bog‘liq bo‘lib, 2024 yil aprel oyida bir tonna kakaoning narxi 10 000 yevrodan oshdi, garchi shundan beri ular biroz pasaygan.

Narxlar oshishiga qaramay, shokoladga talab yuqoriligicha qolyapti. Germaniyada uning iste’moli aholi jon boshiga 2018 yildagi 9 kg dan 2023 yilda deyarli 9,9 kg ga oshgan. Ayniqsa har bir plitkasi taxminan 15 evro turadigan «Dubay shokoladi» kabi eksklyuziv mahsulotlarga qiziqish katta.