Federal jinoiy polisiya boshqarmasi (BKA) prezidenti Xolger Myunx Germaniyaga kokain yetkazib berish keskin ortishidan ogohlantirdi. Uning so‘zlariga ko‘ra, Shimoliy Amerika bozori allaqachon to‘yingan – endi narkokartellarning e’tibori tobora Yevropaga qaratilmoqda.
"Biz Germaniyada tobora ko‘proq tarqalayotgan kokain to‘lqinini ko‘rmoqdamiz", dedi u Redaktionsnetzwerk Deutschland.
Geroin bilan bog‘liq vaziyat ham qo‘shimcha tashvish uyg‘otadi.
"Tolibon Afg‘onistonda afyun yetishtirishni taqiqlagani uchun bozorda taqchillik kuzatilmoqda. Bu sintetik opioidlar bilan soxtalashtirish xavfini keltirib chiqaradi, bu esa foydalanuvchilar uchun tahdidni sezilarli darajada oshiradi", - deya qo‘shimcha qildi Myunx.
2024 yilgi jinoyatlar bo‘yicha so‘nggi statistik ma’lumotlarga ko‘ra, geroin bilan bog‘liq jinoyatlar kamaydi, lekin kokain bilan bog‘liq jinoyatlar 5 foizga oshgan, LSD va yangi sintetik moddalar bilan bog‘liq holatlar esa yanada ko‘paygan. Shu bilan birga, Germaniyada kokainning bir dozasi narxi, BKA ma’lumotlariga ko‘ra, o‘rtacha 4,70 yevroni tashkil etadi - bu bardagi bir stakan pivodan arzonroq.
Nashani qonuniylashtirish tergov organlariga yukni kamaytirmadi, deb ta’kidladi Myunx.
"Sotishga ruxsat berilgan klublar talabni qondira olmaydi. "Qonuniy chegarasi 25 gramm bo‘lgani uchun esa mayda savdoni to‘xtatish ancha qiyinlashdi", - dedi .
Fransiya Rossiya G‘alaba bayramiga taklif qilinmaganidan g‘azablandi
“Zudlik bilan tark eting!” — Ukrainada xavfli hududlar bo‘yicha shoshilinch chaqiriq
"Kosmos-482" Yerga qulamoqda
