Germaniya gaz ta’minotida favqulodda vaziyat rejasiga o‘tadi

Germaniya energetik favqulodda vaziyat uchun favqulodda gaz rejasining birinchi bosqichi boshlanganini e’lon qildi.

Iqtisodiyot vaziri Robert Xabekning so‘zlariga ko‘ra, bu qaror "Shimoliy oqim 1" gaz quvuri orqali Rossiya gazini yetkazib berish hajmining 60 foizga qisqarishi bilan bog‘liq.

Uning tushuntirishicha, bunday oqim bilan kelasi qishgacha Germaniya suv omborlarini ko‘zda tutilgan 90 foizgacha to‘ldira olmaydi.

Xabekning ta’kidlashicha, hozirgi vaqtda iste’molchilarga hech narsa tahdid solmayapti, ammo eng yomon ssenariyga tayyorlanish zarurati aniq.

"Bundan buyon Germaniyada gaz tanqis mahsulotga aylanadi", — dedi vazir. "Bozor iste’mol buyurtmalarini va zaxiralarni o‘rtacha darajada to‘ldirishga qodir, ammo bu bizga noto‘g‘ri xavfsizlik hissini bermasligi kerak".

Berlin sodir bo‘layotgan voqealarni Rossiya tomonidan Yevropaning gaz shantaji deb hisoblashda davom etmoqda.

"Mening fikrimcha, maqsad Germaniya va Yevropa so‘nggi bir necha oy davomida turib olgan asoslarni – buyuk birdamligimiz, Ukraina bilan birdamligimiz va ozodlik himoyasi uchun to‘lovni to‘lashga tayyorligimizni yo‘q qilishdir", — dedi Xabek.

U Yevropa davlatlarini shantajga berilmaslikka chaqirdi.

"Nemis sanoati gaz ta’minotini cheklashdan qo‘rqish kerakmi?" degan savolga javoban Xabek, bu hech qachon sodir bo‘lmasligiga umid bildirdi. "Biroq, albatta, men buni istisno qila olmayman", deya qo‘shimcha qildi u.