Germaniya elchixonasi maslahatchisi Islomobodda o‘lik holda topildi

Germaniyaning Pokistondagi elchixonasi maslahatchisi ikki kundan beri aloqaga chiqmaganidan so‘ng Islomoboddagi kvartirasida o‘lik holda topildi.

Bu haqda Bild nashri yozmoqda.

Qayd etilishicha, Tomas B aslida Germaniya Federal razvedka xizmatida (BND) ishlagan bo‘lsa-da, diplomat hisoblangan.

U ikki kun davomida elchixonaga kelmagani va qo‘ng‘iroqlarga javob bermaganidan so‘ng, ikki missiya xodimi erkakning qarorgohiga yuborilgan. Ular kvartirada hamkasbining jasadini topishdi.

Bild ta’kidlaganidek, Tomas B yurak bilan bog‘liq muammolarga duch kelgan, bu esa o‘limga olib kelishi mumkin. U 3,5 yil davomida Islomobodda missiya maslahatchisi bo‘lib ishlagan.

"Afsuski, biz hamkasbimizning o‘limini tasdiqlashga majburmiz", — dedi Germaniya TIV nashriga. BND, qoida tariqasida, agentlikning alohida xodimlariga tegishli vaziyatlarga izoh bermasligini ta’kidladi. Bild nashrining yozishicha, Tomas B. uzoq vaqt Germaniya razvedkasida ishlagan va juda tajribali xodim hisoblangan.