G‘azoda halok bo‘lganlar soni 43 mingga yetdi

2023 yil 7-oktabrdan beri Isroilning G‘azoga hujumi natijasida kamida 43 020 falastinlik halok bo‘ldi, 101 110 nafari yaralandi.

Sog‘liqni saqlash vazirligi ma’lumotlariga ko‘ra, Isroil kuchlari G‘azo bo‘ylab so‘nggi 48 soat ichida kamida 96 falastinlikni o‘ldirgan va 277 kishi yaralangan.

Ayni paytda, taxminlarga ko‘ra, 10 000 dan ortiq odam hanuz bedarak yo‘qolgan, ehtimol o‘lgan va vayronalar ostida ko‘milgan.

Eslatib o‘tamiz, iyul oyi boshida The Lancet tibbiyot jurnali tadqiqot e’lon qilgan edi, unga ko‘ra G‘azoda Isroil tomonidan o‘ldirilgan falastinliklar soni 186 ming kishidan oshishi mumkin.

O‘sha oyning oxirida G‘azoda ishlaydigan o‘nlab amerikalik shifokorlar va hamshiralar Jo Baydenga jamoaviy maktub yo‘llab, Isroilning bir necha oy davom etgan hujumi natijasida qurbon bo‘lganlar soni rasmiy ma’lumotlardan ancha yuqori ekanligini ta’kidlab, o‘lim qurbonlar soni 92 000 kishidan oshishi mumkin.