Gaitida qaroqchilar guruhi jodugarlik uchun 100 dan ortiq odamni o‘ldirdi

Gaitida banditlar guruhi jodugarlikda ayblangan 100 dan ortiq odamni o‘ldirdi.

Bu haqda Associated Press xabar bermoqda.

Qayd etilishicha, qotillikda to‘da boshlig‘i Mikanor Altes ayblanmoqda, jinoyatlar esa uning o‘g‘li kasal bo‘lib, keyinchalik vafot etganidan keyin sodir etilgan.

"Ikki inson huquqlari tashkiloti Altes vudu diniy yetakchilari va jamoadagi qariyalarni jodugarlikda va uning o‘g‘liga zarar yetkazishda ayblaganini ma’lum qildi," - deyiladi maqolada.

BMT ma’lumotlariga ko‘ra, halok bo‘lganlar soni 184 nafarga yetishi mumkin. Ularning aksariyati 60 yoshdan 80 yoshgacha bo‘lgan. O‘ldirilganlarning aniq soni noma’lum, chunki jinoyatlar to‘dalar tomonidan nazorat qilinadigan va polisiya va hukumatga yetib bormaydigan hududlarda sodir bo‘lgan.