Fransiya polisiyasi “PSJ” va “Chelsi” jamoalari o‘rtasidagi Klublar o‘rtasidagi jahon chempionati final o‘yini munosabati bilan yuqori tayyorgarlik holatiga keltirildi.
Bu haqda The Independent nashri xabar bermoqda.
"Fransuz rasmiylari PSJ klubi Yevropa Chempionlar ligasi finalida g‘alaba qozonganidan keyin Parijda yuz bergan tartibsizliklardan xulosa chiqargan. Polisiya futbol muxlislarning noqonuniy xatti-harakatlariga yo‘l qo‘yilmasligini va bunday holatlar yuz bersa qat’iy choralar ko‘rilishidan ogohlantirdi", deya yozmoqda nashr.
Ma’lumot uchun, “PSJ” va “Chelsi” jamoalarining Klublar o‘rtasidagi jahon chempionati finalidagi o‘yini 14 iyul kuni soat 00:00da boshlanadi.
