Fransiya polisiyasi terakt uyushtirishga urinishda gumon qilingan 62 yoshli misrlik erkakni qo‘lga oldi

ISHID tarafdori Parij markazidagi Notr-Dam soborida terakt uyushtirishni rejalashtirgan.

Fransiya polisiyasi terakt uyushtirishga urinishda gumon qilingan 62 yoshli misrlik erkakni qo‘lga oldi. Aytilishicha, erkak Parijdagi dunyoga mashhur Notr-Dam soboriga hujum uyushtirishni rejalashtirgan.

Le Journal du Dimanche yozganidek, hibsga olish 5 mart kuni bo‘lib o‘tgan, biroq bu haqda hozircha ma’lum bo‘ldi. Oxirgi bir necha hafta ichida terrorizmda gumon qilingan besh kishi hibsga olindi, dedi Fransiya ichki ishlar vaziri Jerald Darmanin. Barcha gumonlanuvchilar ISHID terrorchilik guruhiga aloqador bo‘lgan.

Fransiya Pasxa bayramlari uchun terrorchilik xavfining eng yuqori darajasini e’lon qildi. Bu hujum yaqinda ekanligiga ishonilganda sodir bo‘ladi. Polisiyaga mamlakatdagi har bir cherkov oldiga kamida bitta polisiyachi qo‘yish tavsiya qilingan.

O‘tgan payshanba kuni ISHID so‘zlovchisi Abu Huzayfa al-Ansoriy davom etayotgan Ramazon oyida «hamma joyda nasroniylarga ham, yahudiylarga ham hujum qilish»ga chaqirdi.

2015 yilning noyabrida ISHID terrorchilari Fransiya poytaxtida Bataclan konsert zalida, shuningdek, restoran va barlarda qatliom uyushtirib, 130 kishini o‘ldirgan, 680 dan ortiq odamni yaralagan edi.

Taxminan bir hafta oldin ISHID tomonidan yollangan terrorchilar Moskvadagi konsert vaqtida odamlarga hujum qilib, 130 dan ortiq odamni o‘ldirgan edi. Hujum uchun mas’uliyatni «Islomiy davlat»ning Afg‘onistondagi bo‘limi bo‘lgan Xuroson Viloyati o‘z zimmasiga oldi.

@BILD_Russian