Fransiya kubogi. "PSJ" quyi divizion klubiga qarshi o‘yindagi kambek evaziga finalga chiqdi

"PSJ" Fransiya Kubogi 1/2 finali doirasida "Dyunkerk"ni mag‘lub etdi - 4:2. O‘yin Lilldagi "Pyer Morua" stadionida bo‘lib o‘tdi.

Fransiya ikkinchi divizioni klubi 7-daqiqadayoq hisobni ochgan bo‘lsa, birinchi bo‘lim o‘rtalarida farqni ikkitaga oshirdi. Tanaffus arafasida Usmon Dembele farqni bittaga qisqartirdi. Tanaffusdan so‘ng darhol parijliklar hisobni tenglashtirdi - Markinyos gol urdi. 62-daqiqada Dezire Due mehmonlarni hisobda oldinga olib chiqqan bo‘lsa, hakam tomonidan qo‘shib berilgan daqiqalarda Dembele dubl qayd etdi.

Finalda "PSJ" "Kann" - "Reyms" uchrashuvi g‘olibiga qarshi maydonga tushadi.