Fox Business: Tramp AQSh sanksiyalar siyosatini qayta ko‘rib chiqishni buyurdi

Kanalning AQSh moliya vaziri Skott Bessentga tayanib xabar berishicha, mavjud sanksiyalar dollarning jahon rezerv valyutasi sifatidagi rolini zaiflashtirmoqda.

"Tramp menga sanksiyalar rejimini qayta ko‘rib chiqishni buyurdi. Uzoq vaqt davomida bizda men “befoyda sanksiyalar” deb ataydigan siyosat mavjud edi. Biz ular dollarning rezerv valyuta sifatidagi rolini zaiflashtirayotganiga ishonamiz, odamlar dollardan voz kechmoqda", — deya ma’lum qildi vazir Fox Business telekanaliga bergan intervyusida.

"Biz eng samarali sanksiyalar rejimini joriy etmoqchimiz", — deya qo‘shimcha qildi Bessent.