Filippin shimoli-sharqida Tropik bo‘roni sabab bo‘lgan yomg‘ir, suv toshqinlari va ko‘chkilar qurbonlari soni 85 kishiga yetdi.
Manila Times gazetasining Fuqarolik mudofaasi byurosiga tayanib yozishicha, qurbonlar va jarohatlanganlar soni ortishi mumkin.
Tabiiy ofat tufayli 5,7 million kishi o‘z uyini tark etishga majbur bo‘ldi, 92 mingga yaqini esa vaqtinchalik yashash markazlarida, deya ma’lum qildi Tabiiy ofatlar xavfini kamaytirish va boshqarish milliy kengashi.
Dovul oqibatlari tufayli 27 mingdan ortiq uy, 520 ta yo‘l va 84 ta ko‘prik zarar ko‘rgan, deyiladi xabarda.
