Filippinda chiqindi poligonidagi ko‘chki qurbonlari soni 35 nafarga yetdi

Filippinning markazida joylashgan Sebu shahridagi chiqindi poligonida yuz bergan ko‘chki oqibatida halok bo‘lganlar soni 27 nafardan 35 nafargacha oshdi.

Report xabariga ko‘ra, bu haqda ABS-CBN News ma’lum qilgan. Yana bir kishi bedarak yo‘qolgan, qutqaruv ishlari davom etmoqda.

Eslatib o‘tamiz, Sebudagi chiqindi poligonida ko‘chki 8 yanvar kuni sodir bo‘lgan. Hodisaning dastlabki soatlarida vayronalar ostida qolgan 12 kishi tirik holda qutqarib olingan edi. Avvalroq 10 kishi halok bo‘lgani xabar qilingan.