Filippin prezidenti Rodrigo Duterte Qo‘shma Shtatlar sobiq yetakchisi Barak Obama haqidagi o‘z so‘zlari uchun uzr so‘radi. Bu haqda ABC-CBN News xabar bermoqda.
Telekanal ma’lumotlariga ko‘ra, Duterte Obamaga nisbatan o‘zining «tanqidiy mulohazalari» uchun uzr so‘ragan.
Ta’kidlanishicha, Duterte, shuningdek, Filippin hukumatining giyohvand moddalar bilan kurashishi borasidagi Obamaning tanqidini «kechirgan».
Shu bilan birga, Filippin prezidentining ta’kidlashicha, AQSh sobiq yetakchisini Qo‘shma Shtatlarning hozirgi rahbari Donald Trampdan farqli o‘laroq «sovuq shaxs», deb hisoblaydi.
Manba: kun.uz
