Filipp Kirkorovning kasalxonaga yotqizilganidan keyingi ahvoli ma’lum bo‘ldi

Rossiyalik artist Filipp Kirkorov o‘zini yaxshi his qilmoqda, u 2-3 haftadan keyin shifoxonadan chiqariladi.

Bu haqda Telegramdagi Mash kanali tibbiyot doiralaridagi manbasiga tayanib xabar berdi. Ma’lumotlarga ko‘ra, xonanda sog‘ayib bormoqda.

Kirkorov 23 may kuni shoshilinch jarrohlik bo‘limiga yotqizilgan. Konsert paytida ijrochi orqasidan mushakbozlik qilgan va kostyumining yengi yonib ketgan.

Mash voqeadan so‘ng Kirkorovga bursit tashxisi qo‘yilgani haqida yozgan edi - u konsertda qo‘li kuyganidan keyin bo‘g‘imlarining yallig‘lanishi. Shifokorlarning so‘zlariga ko‘ra, qandli diabet fonida san’atkorda sepsis rivojlanishi mumkin, bu esa eng yomon holatda amputasiyaga olib keladi.

Shundan so‘ng xonanda Lyubov Uspenskaya sodir bo‘lgan voqeani sahnani tark etishning qulay vaqti haqida xabar beruvchi belgi deb atadi. U baxtsiz hodisa plastik operasiyalar va yorilgan implant natijasida yuz berganiga ishonchi komil.