Farg‘ona viloyatida fuqaro xonadonida 96 ta daydi it saqlab kelmoqda. Bu haqda viloyat Ekologiya boshqarmasi xabar berdi.
Ma’lum qilinishicha, Farg‘ona viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimlari itlar vaqtincha saqlanayotgan ushbu xonadonda bo‘lib, hayvonlarning salomatligi, ularga yaratilgan shart-sharoitlar bilan tanishdi.
Ayni paytda mazkur xonadonda 96 ta daydi it saqlanadi. Ularga esa bir kunda 25 kilogrammgacha go‘sht va boshqa turdagi yeguliklar berib borilmoqda.
“Bundan tashqari, bu yerdagi barcha itlar maxsus veterinar ko‘rigidan o‘tkazilib turiladi, maqsad kasalliklar va itlarni ko‘payib ketishining oldini olib borish”, deydi xonadon egasi.
