Farg‘ona shahrida ko‘p miqdordagi tabiiy gazdan noqonuniy foydalanish holati aniqlandi, deb xabar bermoqda «Xududgazta’minot» matbuot xizmati.
Nazorat tadbirlaridan birida shaharning Shakarqishloq mahallasida joylashgan issiqxona tekshirilgan. Ma’lum bo‘lishicha, tadbirkor hech qanday hujjatlarsiz o‘zboshimchalik bilan tabiiy gaz tarmog‘iga ulanib, undan noqonuniy ravishda foydalanib kelgan.
Holat yuzasidan dalolatnoma tuzilib, tabiiy gaz sarfi qayta hisob-kitob qilindi va 1,6 milliard so‘mlik zarar aniqlandi.
To‘plangan barcha hujjatlar qonuniy baho berish uchun huquqni muhofaza qiluvchi organlarga yuborildi.
